Sa aking napapansin, isa sa pinakamalaking sektor ng ekonomiya sa ating bansa ang agrikultura. Ngunit maraming kabataan ang walang pagpapahalaga sa agrikultura.
Ang agrikultura ay ang paraan ng paggawa ng pagkain, hibla, at iba pang ninanais na mga produkto sa pamamagitan ng pagbubungkal ng ilang mgahalaman at pagpapalaki ng mga maamong hayop. Kilala din sa tawag na pagbubukid o pagsasaka ang agrikultura, ang trabaho ng mga magsasaka.
Ano ano nga ba ang mga gawain ng agrikultura?
- Paghahayupan
- Pagsasaka
- Pagmamanukan
- Pangngisda
Sa paghahayupan, nabibilang diyan ang babuyan, bakahan, at iba pa. Sa aking pagkakaintindi ay dyan pumapasok ang pagpaparami ng mga hayop, at pag-aalaga ng mga ito. Susunod naman ang pagsasaka. Noong una ay ang alam ko lang sa pagsasaka ay ang pagtatanim ng palay. Pero ngayon, nalaman ko na hindi lang pala iyon. Kasama rin sa pagsasaka ang gulayan, prutasan, niyogan, maisan, tubohan, at iba pa. Ako din ay nagulat dito. Ang pagmamanukan naman ay ang manukan, patuhan, pugunan at iba pa. Panghuli, ang pangigisda, ay sumasakop sa komersyal na pangigisda.
Ano ano ang mga kahalagahan ng agrikultura? Para sa akin, ito ang mga kahalagahan ng agrikultura:
-Una, nakapaghahatid ito ng dolyar sa pamamagitan ng mga produktong iniluluwas sa iba't ibang panig ng daigdig.
-Pangalawa, tinitiyak ng sektor ng agrikultura na may makakain ang mga Pilipino sa kanilang hapag.
-Ikatlo, napapakinabangan ang malaking ektarya ng lupain sa bansa dahil sa paglinang ng mga magsasaka, manggagawang bukid, katiwala, at iba pa.
-At ang ikaapat at ikahuli, nakakatulong ang sektor ng agrikultura sa iba pang sektor ng ekonomiya tulad ng pagmamanupaktura at kalakalan.
Para sakin, dapat ay tutukan ng gobyerno ang agrikultura. Ito ang susi ng ating pagtaas ng ekonomiya. Ito ay ang pinakaimportanteng sektor ng ekonomiya. Malawak ang agrikultura, at dapat pagtuunan natin to ng pansin, tulad ng espesalisasyon.
At iyan ang aking fourth blog.
Walang komento:
Mag-post ng isang Komento